Verkeersbeampte Teister Vrou in Wes-Transvaal
July 20, 2015 - Wes-Transvaal
Nuus - Sleutelwoorde:
Heidi
Boshoff, Potchefstroom, Verkeerbeampte, Wes-Transvaal - Geen
reaksie
POTCHEFSTROOM – Heidi Boshoff was die betrokke aand van 1 Julie
omstreeks 21:00 in Wes-Transvaal saam met haar seun en sy meisie op pad huis
toe. Hulle is deur ‘n verkeersbeampte voorgekeer.
Volgens Heidi het die verkeersbeampte wat hulle
voorgekeer het, van die begin af ’n aggressiewe houding teenoor haar gehad. Hy
het haar gevra vir haar lisensie en sonder om te dink het Heidi haar lisensie,
wat reeds verval het, vir die beampte gegee. Sy het eers besef dit is die
verkeerde lisensie nadat sy dit vir hom gegee het. Haar nuwe lisensie was
blykbaar by die huis. Die verkeersbeampte het vir haar gevra hoeveel sy die
aand gedrink het. Heidi se reaksie was dat sy glad nie gedrink het nie.
Die verkeersbeampte het Heidi beveel om eerder stil
te bly, want hy het beweer sy het na drank geruik en praat te veel. Die Beampte
het Heidi se ou lisensie geneem en by hom gehou en versoek sy moet saam met hom
na die kliniek oorkant Turkstra gaan vir ‘n asemtoets en bloedtoetse. Die
verkeersbeampte het haar gevolg tot by haar seun se meisie se huis, sodat sy
die kinders kon aflaai. Heidi het egter nie gemaklik gevoel om alleen saam met
die verkeersbeampte na die kliniek, wat sy vermoed het toe is, te gaan nie. Sy
het haar seun se meisie gevra om haar pa te roep om saam met haar te ry.
Blykbaar toe die beampte hoor sy vra die man om
saam met haar te gaan, het hy onmiddellik gevra wat doen sy nou. Die
verkeersbeampte het daarna vir haar gesê dit is nie nodig vir die toetse nie en
dat hy haar sal laat gaan met ‘n waarskuwing. Heidi het daarop aangedring dat
hulle toetse gaan doen, maar die verkeersbeampte het volgehou dat dit nie nodig
is nie en weggery – Potchefstroom Herald
